A FABRIZIO DE ANDRÈ

Erede dignu de antigos cantores
c’an tramandadu s’arte in galania
imboligadu de malinconia
cantende sas miserias e amores.

In musa nos at fatu sos contados
de Res imperadores cortigianas,
ladros piscadores e puttanas
generales e simplitzes sordados.

A cun sa musa sua e fantasia
niunu in rughe in su cantu poniat,
de sos peccados lo ispozaiat
e los bestias solu ‘e poesia

Lascia un commento

Il tuo indirizzo email non sarà pubblicato. I campi obbligatori sono contrassegnati *